Natura eta landa ondarearen lanak burutu ditu udalak
Udal ondarean hobetzeko eta tokiko bioaniztasunaz informatzeko lanak gauzatu ditu udalak herriko hainbat puntutan.
Arramendiko gizarte baratzak. Negu honetan natura eta landa ondarearen inguruko hainbat lan burutu ditu udalak udalerriko zenbait eremutan udal ondarean hobetzeko eta tokiko bioaniztasunaz informatzeko.
Abenduan Otraizko bordaren hobekuntza lanak gauzatu zituzten. Borda hori Oiartzungo mugan dago, Añarbe herri mendiaren barnean (Aiako Harriko Natura Parkea eta Kontserbazio Bereziko Eremuan, zein Natura 2000 Sarean kokatua).
Horrez gain, bioaniztasunari lotuta, bi informazio panel ezarri ditu udalak: bata Igantziko lepoan, Añarbeko baso-hegaztiei buruzkoa; eta, bestea, Fanderiako Oiartzun ibaiko meandroan, anfibioentzako hezeguneari lotutakoa.
Azkenik, Arramendiko gizarte baratza ekologikoen parkeari lotutako eraikinean hobekuntzak ere garatu ditu udalak, Gaztaño eta Agustinak auzoen ondoan.
