Xoxolurrekin, Nafarroara irteera hilaren 13an
Eskas (Artikutza)-Izu (829 metro)-Arantxa bidea egingo dute igande honetan. Izena emateko epea zabalik dago, Orki tabernan.
Urteko bigarren irteera prest du Lezoko Xoxolur Mendi Klubak. Hilaren 13an da (igandea), eta Nafarroa aldera joateko asmoa dute. Zehazti, Eskasetik (Artikutxan dago) Izu mendia (829 metro) igoko dute, ondoren handik Arantzara joateko. Herri hartan bazkaria eta ondorengo aisia jarduerak egingo dituzte.
Irteeraren prezioa 20 eurokoa da helduentzat, eta 12koa haurrentzat. Helduen kasuan, autobusa eta bazkaria (babarrun jatea, sakramentuekin) daude prezioaren barruan, baita haurrenean re (bazkarian haurrentzako mendua dute).
Izen emate epea zabalik dago. Txangoarekin bat egin nahi dutenek Orki ostatura joan behar dute ostegunera (barne) arte. Han bertan egin behar da ordainketa.
Igandean 08:30ean aterako dira Ijurkotik.
