Orereta Ikastolan, Brebeta eta Baxoa erabat euskaraz egitearen alde
Argazkia egin dute ikastolako LH eta DBHko ikasle zein irakasleek, Baionan probak erabat euskaraz egitearen alde elkartu zirenekin bat eginez.
Orereta Ikastolako ikasle eta irakasleak, Baxoa eta Brebeta erabat euskaraz egitearen aldeko elkartasun argazkian. Orereta Ikastolako LH eta DBHko irakasleek zein ikasleek Frantziako Brebeta eta Baxoa hezkuntza probak erabat euskaraz egitearekin bat egin dute gaur goizean. Pasa den astean Baionan Bordeleko erreaktoreak Baxoako ikasgai batzuk euskaraz egitearen aurkako erabakia salatzeko bildu ziren 1.500 herritarrekin egin dute bat, beraz.
Izan ere, Bordeleko errektoreak Brebeta eta Baxoa probak euskaraz egiteko aukera ezeztatu du, Frantziako Hezkuntza Ministerioak abenduko zirkularrean aukera hori aipatu ostean. Seaskak, ordea, aipatu frogetako irakasgaiak erabat euskaraz egitearen aldarrikapenari eutsiko diela adierazi du, baita aldarriarekin bat egin duten irakasleei soldata jaitsi dietela salatu ere.
