Joanes Larretxea presoaren etxeratzea eskatzeko martxa egin dute
Done Eztebe plazatik Sorondoraino pausoak eman dituzte Joanes Larretxea presoaren nahiz euskal preso eta iheslarien etxeratzea eskatzeko.
Done Eztebe plazatik Sorondoko bidea hartu dute, ekitaldi kulturalaz gozatzeko bertan. [Argazkia: Sare Oiartzun]. Gaur goizean, eguzkia lagun, gazte martxa abiatu da 09:00etan Done Eztebe plazatik, espetxean 11 urte daramatzan Joanes Larretxea presoaren etxeratzea eskatzeko Oiartzungo Sarek antolaturiko dinamikaren baitan.
Plaza utzita, Sorondoko bidea hartu dute gazteek, hitzordua baitzuten bertan 11:00etan: Oihan Astigarraga eta Ekaitz Guridik musika saioa eskaini dute, eta hamaiketakoa egiteko ere probestu dute geldiunea.
Sarek aitortu du “giro ederrean” joan dela preso eta iheslariak etxera ekartzeko eskatzeko eginiko mobilizazioa.
