[Galeria] Gaita doinuekin omendu dute Kontxa Murgia Egaña
Urtero legez, haren jaiotetxe Manuel Lekuona bibliotekan lore eskaintza egin diote Murgiari Fato Cultural Daniel Castelaok eta udalak.
Gaita doinuek girotuta igo dira Oiartzungo udaletxetik Manuel Lekuona bibliotekara, bertan omenaldia egiteko. 
Hainbat eta hainbat lagun elkartu dira gaur eguerdian Oiartzungo udaletxearen aurrean, Kontxa Murgia Egaña zenari omenaldia egiteko. Urtero legez, gaita doinuekin igo dira denak Murgiaren jaiotetxe izandako Manuel Lekuona bibliotekara.
Egoera epidemiologikoagatik, aurten ekitaldi xumea egitea erabaki dute eta inork ez du mintzaldirik eskaini. Ordez, Euskal Herriaren eta Galiziaren arteko lotura kantuz aintzatetsi eta lore eskaintza egin diote Galiziako Rexurdimento-aren bultzatzaile izandako Manuel Martinez Murgiaren amari.
Ekitaldiaren bukaeran, bertaratutako bizilagun nahiz musikariei eskerrak eman dizkiete antolatzaileek; Fato Cultural Daniel Castelao elkarteak eta Oiartzungo Udalak, hain zuzen ere. Atzo, euskaraz eta galegoz ekarri zuten gogora Murgia poema errezitaldi musikatuarekin; Xose Estevez eta Antton Kazabon izan ziren errezitatzen, eta Edurne Saizar, Oihane Mitxelena eta Haizea Lekuonak jarri zuten musika.
Ondorengoak gaurko goizak utziriko hainbat argazki dira:
