"Lehen arreta itolarrian. Zure osasuna, ere"
Satse, ELA, LAB, CCOO eta UGTk bat egin dute udalerrietako osasun zentroetan elkarretaratzera deitzeko. Gaur 13:00etan bildu dira.
Bizilagunek ez ezik, osasun zentroko langileek ere euren jarduna eten dute tarte batez elkarretaratzearekin bat egiteko. 
Satse, ELA, LAB, CCOO eta UGT sindikatuek osasun publikoaren aldeko elkarretaratzeak deitzeko bat egin dute. Pasaia izan da deiarekin bat egin duen udalerrietako bat, bizilagunak Antxoko anbulatorioaren aurrean bildu direlarik, 13:00ak pasatxo zirenean.
Bizilagunek ez ezik, osasun zentroko langileek ere euren jarduna eten dute tarte batez honako aldarriak defendatzeko: lehen arreta indartzea, osasun publikoa sendotzea eta antxoko anbulatorioa berritu eta behin behitiko azpiegitura sortzea.
Esan bezala, deialdi orokorra da bost sindikatuek egin dutena, eta beraz, beste hainbat udalerritan ere bertsua egin dute gaur eguerdia pasata. Beheko argazkia Errenteria-Oreretako osasun etxearen kanpoan eginiko elkarretaratzearena da.
