Ander Iñarra eta Mayi Mujika, Lezo-Jaizkibeleko onenak
Gizonen txapela etxean geratu da, Iñarra izan baita azkarrena, 1:07:00-ko denborarekin; Lurdes Oiartzabalek hirugarren egin du, emakumeetan.
Ander Iñarrak irabazi du gizonetan Lezo-Jaizkibel mendi lasterketa. Etxean geratu da Lezo-Jaizkibel lasterketako gizonen txapela. Ander Iñarra lezoarrak jantzi du 1:07:00ko denbora egin ondoren. Emakumeetan, berriz, Mayi Mujika elgoibartarra izan da azkarrena, 1:18:04ko denborarekin (sailkapena, behean). Iaz lasterketak kale egin eta gero, aurten zortzigarrenez antolatu du Lezotarrak Lasterkari Taldea eta Xoxolur Mendi Klubak.
Iñarra lasterketa irabazteko faboritoetako bat zen, eta ez du hutsik egin, txapela beretzat izan da. Amets Aranberri zestoarra sartu da bigarren tokian, Joxe Amunarrizi aurrea hartuz: aurtengoan ere podiumean sartzea lortu du Amunarrizek aurretik behin baino gehiagotan egin bezala.
Lezo-Jaizkibel mendi lasterketako emakumeen podiuma.
Mujika zen emakumeen artean faborito nagusienetakoa, iazko Mendiko Lasterketako Munduko Kopan bosgarren geratu ondoren. Bigarren tokian sartu da Mariana Gomez donostiarra. Sorpresa izan da nikaraguar jatorriko korrikalaria podiumean sartzea, ez baita hain ezaguna mendi lasterketetan. Hirugarren izan da Lurdes Oiartzabal lezoarra, beti bezala, irribarrez iritsi da helmugara.
Lasterketa bustia
35o korrikalari bildu dira Gurutze Santuaren plazan, euripean. Xirimiriari aurre egin behar izan diote lasterketa osoan, eta pixkanaka ugarituz joan da, gainera. Jaizkibelen, gainera, behelainoa sartu da, eta horrek arriskua batu dio irristakorra zegoen lurrari.
Su ebakia 10:08ean egin zuen Iñarrak. 34 eta 37 segundo gehiago behar izan zituzten, hurrenez hurren, Aranberrik eta Amunarrizek. Mujikak, berriz, 11:42ko denboran egin zuen lasterketako tarterik gogorrena. Emakumeen kasuan, azkarrago osatu zuen su ebakia Oiartzabalek (13:21) Gomezek baino (13:36).
Badiolari omenaldia
Lasterketaren aurretik, Joxemi Badiola Allerru txirrindularitza taldearen sortzailea. 1993an taldea sortu zenetik, urte horietan guztietan herriari eta txirrindularitzari egindako ekarpena aintzat hartu dio Lezo-Jaizkibelen antolakuntzak.
Joxemi Badiola oroigarriarekin.
Sailkapenak
Gizonak
- 1. Ander Iñarra Olaziregi. 1:07:04
- 2. Amets Aranberri Otegi. 1:07:27
- 3. Joxe Amunarriz. 1:08:12
Emakumeak
- 1. Mayi Mujika. 1:18:21
- 2. Mariana Gomez Olivas. 1:21:04
- 3. Lurdes Oiartzabal Etxeberria. 1:24:51
Lehen lezoarrak (gizonak)
- Ander Iñarra Olaziregi. 1:07:00
- Raul Artola Labordeta. 1:16:33
- Cabier Prieto Saralegi. 1:21:17
Lehen lezoarrak (emakumeak)
- Lurdes Oiartzabal Etxeberria. 1:24:51
- Eneritz Basurko Pagoaga. 1:31:34
- Iratxe Etxegoien Errandonea. 1:32:01
Su ebakia (gizonak)
- Ander Iñarra Olaziregi 10:08
- Amets Aranberri Otegi 10:42
- Joxe Amunarriz. 10:45
Su ebakia (emakumeak)
- Mayi Mujika. 11:42
- Lurdes Oiartzabal Etxeberria. 13:21
- Mariana Gomez Oliva. 13:36
