Amalatz proiekzio bikoitzarekin dator
Errenteriako Emakumeen XVIII. Zinemaren Erakustaldian, talde feministak '14 días, 12 noches' eta 'Entre nosotras' filmak emango ditu Niessenen.
14 días, 12 noches filma. Amalatz Talde Feminista Errenteriako Emakumeen XVIII. Zinemaren Erakustaldiarekin dator Errenteria-Oreretara. Horretarako, bi film proiektatuko ditu, bi pelikula non emakumeak diren protagonista nagusiak. Proiekzioak Nissen zinema aretoetan ikusi ahal izango dira doan.
Horietako lehena ’14 días, 12 noches’ izeneko filma da, eta martxoaren 3an, osteguna, izango da, 18:00etan. Isabellek adoptatutako alaba nerabea zorigaiztoko istripu batean hiltzen da. Urtebete geroago, eta oraindik bizipen horrekin hunkituta, Isabelle Vietnamgo umezurztegira itzultzen da bere jatorriko herrialdearen bidez bere alabarekin emozionalki konektatzeko. Isabellek ustekabean bere alabaren ama biologikoa topatzen du, eta biek aurrera egiten jarraitzeko modua bilatuko dute.
Bigarren filmak ‘Entre nosotras’ du izena, eta martxoaren 23an, asteazkena, ikusi ahal izango da, 18:00etan. Nina eta Madeleine bi emakume erretiratu dira, sekretuan maiteminduak daudenak duela hamarkada batzuetatik. Jendearen begietan bi bizilagun badira ere, etxe batetik bestera doaz elkarren artean konpartitzen ari diren bizitza samurrean. Euren harremanak norabide aldaketa bat emango du ustekabeko gertaera baten ondoren.
