Haginaren defentsa, Arditurrin
Arditurriko parketxean haginen gaineko erakusketa jarrita izango da apirilaren 16ra arte. Life Baccata egitasmoaren barrukoa da.
Haginen gaineko erakusketa jasoko du Arditurriko parketxeak apirilaren 16ra arte. Life Baccata egitasmoaren barruan ulertu behar da zuhaitz horien gaineko argibideak ematen dituen erakusketa: haginen basoen kontserbazioa eta berreskuratzea du helburu egitasmoak.
Gipuzkoako Parketxe Sareen fundaziotik azaldu dutenez, Hagina (Taxus baccata) zuhaitz ez erretxinatsua da, hosto iraunkor eta itxura galantekoa, bizitza-luzera handikoa eta oso motel hazten dena. “Dituen erabilera anitzen ondorioz espezie horren gainean antzinatik presioa egin da. Beste fenomeno batzuen artean basoan izandako suteek eraginda haien habitata murriztu eta zatitu da; eta belarjaleentzat kimatzea argia lortzeko horien kimaketak egin dira. Horrela, haginak ingurumenari, kulturari eta zientziari dagokionez duen balio handia delako, hagin multzoak lehentasunezko intereseko habitata dira Europar Batasunerako”.
Erakusketaren barruan hainbat elementu ikus daitezke, tartean daudelarik Life Baccataren gaineko xehetasunak, zuhaitzaren inguruko informazio osoa, haginak dituen mehatxuen zerrenda, edo zuhaitzak kulturan eta tradizioan duen tokia.
