[Galeria] OTXEren osasuna, oso ona
Oarsoaldeko Txirrindularitza Eskolak 2022rako taldeak eta asmoak aurkeztu ditu. Egitasmoa hazten eta sendotzen ari da.
2022rako dituzten partaideen eta asmoen berri emateko agerraldi jendetsua egin zuen Oarsoaldeko Txirrindularitza Eskolak (OTXE) atzo Errenteria-Oreretako Niessen aretoan. Eskolaz gain, hainbat talde barnebiltzen ditu eskualdeko egitasmoak. Taldearen arduradunek nabarmendu zuten eskola eta elkarte denaren egitasmoa hazten eta sendotzen ari dela. Aurtengoa zortzigarren sasoia izango dute martxan. Oso ondo dago osasunez eskualdeko izaera duen egitasmoa.
Aurkezpenean, txirrindulari eta arduradunez gain, kirolarien senitarteko eta hurbilekoak izan ziren Niessen aretoa ia betetzeraino. Aldi berean babesleen eta laguntzaileen ordezkaritza izan zen, tartean Aizpea Otaegi Errenteriako alkatea, Maite Gartzia Errenteriako Udaleko Kirol zinegotzia, eta Isaac Palencia Errenteriako PSE-EEren eleduna zirela. Mikel Astarloza OTXEko kide eta txirrindulari profesional izandakoak gidatu zuen aurkezpena.
Hiru atal nagusi izango ditu aurten OTXEk. Jendetsuena eskola da, 35 partaidekoa (hiru taldetan banatuta). Junior, Elite eta 23 urtez azpikoen kategoriako ekipoan 18 dira kideak, eta aurten lehenengoz lehian izango den kadeteen taldean, berriz, bederatzi neska-mutil. Azken hori da aurtengo berritasuna, pandemiagatik ezin izan dutelako aurretik lehian aritu. Horiek denek txirrindularitzaren hainbat modalitate landuko dituzte: errepidea, pista, ziklokrosa, Mountain Bike eta BMX. Gainera, teknika, mekanika eta bestelako arloak ere landuko dituzte, OTXEren asmoa baita txirrindularitzaren gaia era integralean lantzea.
2014tik lanean
OTXEren izatearen berri emateko hainbat argibide eman zituen Urko Munduate taldekideak. Lehenik, eskerrak eman zizkien Errenteria-Oreretako Laguntasuna elkarteari eta Lezoko Allerruri txirrindularitzaren alde egindako lanagatik, eta aipatu zuen OTXE haiek egindako lanaren jarraipena dela. Baina eskolaren sorburua Ciclos Iñaki taldetik eratorri zela azaldu zuen, bertako bi kidek [Munduate bera eta Arkaitz Iza] erabaki zutelako eskolarekin aurrera egitea ikusita gaztetxoen mailetan zegoen txirrindulari eskasia. 2014ko udan hasi ziren martxan, eta 2015eko sasoian jada taldea abiatu zuten, 6-7 gazterekin. Ordutik, urtero izan da errepidean eta mendian OTXE.
Bestalde, Munduatek adierazi zuen lehiaketak bai, baina euren helburuen artean dagoela bizikletaren erabilera sustatzea, eta adibidez partaide guztiak entrenamendu saioetara txirringan doazela eskualdeko bidegorri sarea erabiliz.
Arkaitz Iza kideak, bere aldetik, hizketaldian hain lagungarri izan diren babesleei aitortza egin zien. Denei, banan-banan, eskerrak eman zizkien [OTXEren webgunean ikus daitezke horiek]. Berretsi zuen lehiaketak ez direla bere horretan helburu bat, baizik eta gustuko den tokian kirola egitea. Hein berean, eskualdeko udalei ere eskerrak eman zizkien elkartearen presidenteak hasieratik azaldu duten interesagatik, eta ematen duten laguntzagatik.
Aizpea Otaegik ere tartea hartu zuen solasaldiari ekiteko. Eskualdeko egitasmoa izatea baloratu zuen, eta taldekideen artean Oarsoaldetik haragoko kirolariak izatea ere berri ontzat eman zuen. Kirolaz eta txirrindularitzaz gozatzea, taldea egitea, eta laguntasuna nahiz elkarlana sustatzea opa zien taldekideei.
Partaideak
Honakoak dira, taldez talde, OTXEren egitasmoa aurten gorpuztuko duten lagunak:
ESKOLA
- Alebinak: Jon San Jose Peñil, Unax Amenabar Gonzalez, Naia Olaiz Albistur, Oihan Susperregi Oiartzabal, Haizea Perez Garmendia, Asier Robles Diaz, Naiare Zapirain Olasagasti, Anne Zubia Aizpurua, Eneko Marcos Ruiz, June Del Teso Olaizola, Lander Gelbentzu Beristain, Aratz Bengoetxea Mitxelena.
- Haur Mailakoak: Hodei Blanco Sanz, Ibon Calvo Abal, Daniel Calvo Ferreiro. Oier Albisu Getaria, Laia Macayo Xufre, Danel Lapido Oronoz, Zuhair Wani Mugika, Jokin Urizar Anabitarte, Inar Perez Muñoz, Guillem Lechuga Novo, Manex Sarasola Alonso, Eneko Romero Roteta, Aimar Moreno Berdedo, Eñaut Manso Anbustegi, Aner Maritxalar Otaño, Ander Galfarsoro Unanue, Manex Olaiz Albistur, Ur Merino Gonzalez, Jokin Pozo Puy, Unax Serrano Cotos, Iker Molero Lorenzo, Ibai Jueguen Rubert.
- Teknikariak: Egoitz Arrieta, Julen Gomez, Gexan Albisu, Mattin Sanzberro eta Beñat Felipe.
MTB TALDEAK
- Kadeteak: Aimar Fernandez de Gorostiza Mitxelena, Francisco Sanz Rodriguez, Elur Egaña Gil, Unai Barrio Perez, Peio Munduate Aizkorreta, Eneko Oliveira Rodrigo, Intza Del Teso Olaizola, Iraia Zapirain Olasagasti, Magali Albisu Etxebeste.
- Junior taldea: Jokin Askaray Ormazabal, Martin Gibelalde Garate, Mikel Osa Lizarazu, Eneko Gomez Frechilla, Aiur Benavente Eizmendi, Markel Etxeberria Arruabarrena, Eneko Balda Enciso.
- 23 urtez azpikoak: Eneko Garrote Sanchez, Jurgi Irurieta Etxebeste, Gexan Albisu Etxebeste, Xabier Txintxurreta Ariz, Garikoitz Arizmendi Arruti, Ander Olaskoaga Usabiaga, Nahia Polo Amenabar.
- Elite Maila: Mattin Sanzberro Perez, Patxi Plazaola Esnaola, Urko Munduate Lopetegi.
- Teknikariak: Xabier Albisu, Mikel Blda, Manu Olveira, Aitor Barrio eta Arkaitz Iza.
