Gizon bat identifikatu dute Luzuriagako auto bati marrak egiten ari zela
85 urteko gizonezkoak aurretik jazotako antzeko gertakariekin inplikaziorik ba ote duen ikertzen ari da udaltzaingoa.
Aspaldi ari dira salatzen antxotarrak norbaitek Luzuriagako aparkalekuan utzitako autoak marratzen dituela. 
85 urteko gizonezko bat inputatu du Pasaiako Udaltzaingoak, Luzuriagako parkinaren inguruan aparkatuta zegoen kotxe batean arrastoak egitea egotzita. Erruduna zaintzarako prebentzio dispositibo batean parte hartzen ari ziren udaltzainek identifikatu zuten.
Hilabeteak daramatzate antxoko bizilagunek barrutiko aparkalekuan gaua igarotzen duten automobiletan marrak etengabean topatzen dituztela salatzen. Bi lekukok agenteei jakinarazi zieten 85 urteko gizonezkoa aparkatutako kotxe bati marrak egiten ikusi zutela, eta horren harira inputatu zuten gero erruduna.
Identifikatutakoak aurretik jazotako antzeko gertakariekin inplikaziorik ba ote duen ikertzen ari da orain udaltzaingoa. Bien bitartean, “prebentzio zaintza lanak” egiten jarraituko dutela baietsi dute udalerriko agenteek.
