'Emakumeok mugimenduan', emakume migratzaileen antzezlana
Errenterian bizi diren hamar emakume migratzaileen esperientziak islatzen ditu antzezlanak, eta herrian bizitzearen begirada kaleidoskopikoa eskainiko dute. Larunbatean izango da, Lekuonan.
'Emakumeok mugimenduan. Testimonios de migración' antzezlaneko kartela. ‘Emakumeok mugimenduan. Testimonios de migración’ Partekatuz proiektuaren barruan Errenterian bizi diren hamar emakume migratzaileen esperientziak islatzen dituen antzezlana da. Emakume horiek euren bizipen, desira eta beldurren gainetik Errenterian bizitzearen begirada kaleidoskopikoa eskainiko dute. Arantza Ezkerraren zuzendaritzapean, emakume migratzaile, ausarten eta ez profesionalen taldea aritu da taula gainean. Emanaldia Lekuona Fabrikan ikusi ahal izango da larunbatean, hilak 5, 20:00etan.
Sarrerak hiru bidetatik eskuratu ahal izango dira bost euroko prezioan: sarrerak.errenteria.eus webgunean, Lekuona Fabrikan eta ikuskizuneko egunean leihatilan saioa baino ordu bete lehenago, beti ere sarrerak aurretik agortu ez badira.
