Pasaiak bakailao zaporea izango du datozen asteotan
Gipuzkoako VIII. Bakailao Pintxo Txapelketaren finala Juanba Berasategin egingo dute, hilaren 29an. Pintxoak dastatu ahalko dira aurretik.
Txapelketaren VI. ekitaldiko pintxo baten artxiboko irudia. Pasaiak bakailao zaporea hartuko du berriro ere hilaren 14tik 27ra bitarte, egun horietan Gipuzkoako VIII. Bakailao Pintxo Txapelketa ospatuko baita udalerrian.
Datorren astelehenetik arrera, beraz, lurraldeko 50etik gora tabernek (artean Irun, Hondarribia, Pasaia eta Errenteria-Oreretakoak) iniziatibarekin bat egingo dute, “bakailaoaren ibilbidearen” baitan jendea euren pintxoak probatzera bertaratuko delarik.
Epaia hileko azken asteartean helduko da: martxoaren 29an, hain zuzen. Gipuzkoako bakailao pintxorik onenek Juanba Berasategin hartuko dute lur, sukaldariek zuzenean bertan prestatuko dutelarik eskaintza. Sona handiko adituek osatuko dute epaimahaia.
Kozinatzen 16:00etan hasiko dira, eta 19:30a jotzearekin batera hasiko da sari banaketa. Orduan ezagutuko dute bertaratutakoek Gipuzkoako VIII. Bakailao Pintxorik onena zein den.
