Pintxo-potea eta Korrikako tonbola, ostegunean Arkaitzan
Oreretako Korrika Kulturalaren egitarauaren barruan, pintxo-potea eta Korrikako tonbola antolatu dira ostegunean Arkaitza Tabernan.
![](https://oarsoaldea.hitza.eus/site/files/2022/03/korrika.jpg)
Oreretako Korrika Kulturalak aurrera darrai, eta ostegunekoa, hilak 17, izango da hurrengo hitzordua. Aurreko ostegunean Sindikato Tabernan egin zen bezala, honakoan ere pintxo-potea eta Korrikako tonbola antolatu dira Zumardiko Arkaitza Tabernan. 19:00etan hasiko da, eta herriko trikitilariek eta Xenpelar Bertso Eskolako bertsolariek giroa alaituko dute. Tonbolan askotariko opariak aurkituko dituzte bertaratzen direnek; hala nola, bonuak, poteak, afariak, liburuak edota pintxoak.