Ekonomia inklusiboari buruzko jardunaldia online ere jarraitu ahalko da
Enpatikonomia, ingurukoak kontuan hartzen dituen ekonomia, izango dute hizpide bihar Zinealdean. 'Streaming' bidez ere egongo da ikusgai.
Jardunaldia Zinealdeako Chaplin aretoan egingo dute bihar. 
Ingurua eta ingurukoak kontuan hartzen duen ekonomia inklusiboari buruz (Enpatikonomia) jardunaldia antolatu du Oarsoaldea Garapen agentziak biharko. Saioa enpresei dago zuzenduta, eta 10:00etatik 13:30era arte emango dute, euskaraz, Zinealdeako (Lintzirin, Oiartzun) Chaplin aretoan.
Ekonomia mota horren berri eman eta praktika baliagarriak irakatsiko dituzte biharkoan. Bertaratu nahi duenak, hemen klik eginda eman dezake izena, baina jardunaldia online jarraitzea nahiago duenak ere horretarako aukera izango du lotura honen bidez.
Jardunaldiari buruzko eta, orobat, Enpatikonomiaren inguruko informazio gehiago albiste honetan irakur daiteke; baita biharko egitaraua ere.
