Antxoko Jai Batzordeak bizilagunen parte hartzea eskatu du
Datorren asteartean egingo duten bileran parte hartzera deitu dute, "herriko tradizioek jarraipena izan dezaten".
Antxoko jaiak antolatzeko ardura duen batzordean parte hartzeko dei irekia egin dute egungo kideek. 
Antxoko Jai Batzordetik dei egin diete barrutiko bizilagunei taldean parte har dezaten. Gonbidapen irekia egin dute hilaren 29an, datorren asteartea, 19:30ean Azokako 8. gelan egingo duten bilerara bertara daitezen antxotarrak.
Funtsezkotzat jo dute egun batzordea osatzen dutenek Antxoko ekintza eta jardueren antolaketan parte hartzea, “herriko tradizioek eta ospakizun herritarrek jarraipena izan dezaten”.
