Gazteentzako bi sormen tailer emango ditu Eider Perezek apirilean
'Sar dadila kalabazan' saioak apirilaren 11 eta 12an izango dira, astelehen eta asteartean, udalerriko liburutegi batean.
Eider Perezek Sar dadila kalabazan sormen tailerra eskainiko du apirilaren 11 eta 12an (astelehen eta asteartea) udalerriko liburutegi batean. Bi saio izango dira, 8 eta 11 bitartekoentzat bat, eta 12 urtetik gorakoentzat bestea.
“Haur eta gazteak hitzarekin jolastuz sormenera hurbiltzea” da helburua. Kokalekua izen emateen arabera erabakiko dute, baina udalerriko liburutegi batean izango da. Esteka honen bidez eman dezakete izena interesdunek, eta honakoak dira bi egunetako ordutegiak:
- 10:00etatik 12:00etara, 12 urtetik gorakoentzat.
- 12:00etatik 14:00etara, 8 eta 11 urte bitartekoentzat (biak barne).
