'Egunkaria, gizarte zibilaren arrakasta' liburua gaur aurkeztuko dute
Aurkezpena 18:30ean izango da, Lekuona Fabrikan. Joanmari Larrartek egingo du aurkezpena, Egunkaria Batzordekoen laguntzarekin.
![](https://oarsoaldea.hitza.eus/site/files/2022/03/egunkaria-aurkezpena.png)
Gaur arratsaldean aurkeztuko dute Egunkaria, gizarte zibilaren arrakasta liburua, Juan Mari Torrealdaik ia osorik idatzitakoa, eta Joanmari Larrartek bukatutakoa. Euskaldunon Egunkaria-ren sorreraz eta garapenaz mintzo da Torrealdairen zigilua duen ekarpena, baita euskalgintzaz, naziogintzaz, eta Egunkaria-k Euskal Herriari ekarri zizkion onurez. 18:30ean da aurkezpena, Lekuona Fabrikan.
Joanmari Larrarte izango da liburuaren xehetasunak ematearen arduraduna. Alboan izango ditu Errenteria-Oreretako Egunkaria Batzordean ibilitakoak. Arantxa Iraola Egunkaria-ko kazetari izandakoak, eta egun Berria-koa denak, egingo ditu ekitaldiaren gidaritza lanak.
Ekitaldia irekia da, edonor joan daiteke.