Pasaiak hamargarrenez izango du Ganbera Musika Astea
Apirilaren 4tik 8ra astearen barruko bost kontzertu jasoko ditu Trintxerpeko alkateordetzak. Soka eta haize instrumentuak dira.
Pasaiako X. Ganbera Musika Astea apirilaren 4tik 8ra egingo dute, bost kontzerturekin. Emanaldi den-denak Trintxerpeko alkateordetzan izango dira, 19:30ean hasita. Illunbe Musika Elkarteak antolatu ditu saioak, Pasaia Musikalekin eta Musikenerekin elkarlanean. Gaur aurkeztu dute zikloa erakunde horietako arduradunek.
Kontzertu guztietarako sarrera doan da, baina aurrez gonbidapena eskuratu behar dute horietan izan nahi dutenek. Horiek Internet bidez eta 943 39 60 55era deituz lor daitezke.
Agerraldian azaldu dutenez, programazioaren barruan soka instrumentuak, nahiz egurrezko eta metalezko haizekoak toki berezia izango dute (behean dago egitaraua). Musika zale orori Trintxerpeko alkateordetzara joateko dei egin diete, “une atsegin asko pasatzera, musika on askorekin”.
EGITARAUA
- Apirilak 4, astelehena. Piove zortzikotea, haize instrumentuekin.
- Apirilak 5, asteartea. Saxofoi Esemblea.
- Apirilak 6, asteazkena. Sonokha Brass, metalezko haize instrumentuekin.
- Apirilak 7, osteguna. Melyus eta Kenopsia laukoteak, sokazko instrumentuekin.
- Apirilak 8, ostirala. Dalias boskotea, haize instrumentuekin.
