Aurrerantzean, taxi zerbitzua hobea izango da
Akordioa eskuratu dute Pasaia eta Lezoko taxilari nahiz udaletxeek. Horrela, Lezoko eremuan taxi zerbitzua hobetuko da.
Jesus Maria Martiarena Lezoko alkatea eta Antton Irazoki taxilari lezoarra. Zenbait bileraren ostean, Pasaiako eta Lezoko taxilariak lankidetzan hasteko akordiora heldu dira, udaletxeen laguntzaz. Hala, aurrerantzean Radio Taxi Jaizkibel Lezo Pasaiak eguneko hogeita lau orduetan eskainiko du zerbitzua eskualdeko eremu hauetan. 943 391 414 telefonoak eremu hauetako herritarren beharrei erantzungo die, eta gaurtik aurrera egongo da martxan, Lezoko Euskal Jaien hasierarekin batera.
Orain artean, zenbait arrazoi ezberdinengatik, herrian zeuden bost taxi lizentzietatik bi bakarrik zeuden martxan. Hori dela eta, akordioa eskuratuta eta taxi gehiago eskuratuta, zerbitzua azkarragoa eta hobea izango dela baieztatu du Antton Irazoki taxilari lezoarrak.
