Bazkaria egin dute Tipi-Topa egitasmoko boluntarioek
Zahartze aktiboa du helburu programak, eta 60 urtetik gorako herritarrei zuzendutako irteerak antolatzen ditu.
Tipi Topako bolondresak atzo, bazkaldu aurretik. Atzo, ekainaren 9an, Lezoko Udalak bazkaria antolatu zuen Tipi-Topa ekimenean parte hartu duten boluntarioentzat. Herriko Ixkulin elkartean elkartu ziren, giro paregabean.
Tipi-topa egitasmoak 60 urtetik gorako herritarren zahartze aktiboa du helburu, haiei bideratutako irteerak antolatzen direlarik eta horrela, haien osasun fisikoa zaintzeaz gain, osasun mentalaz ere arduratzen dira. Parte-hartzea, ordea, irekia da. Hala, ekainaren 23an egingo dute azken irteera, udako etenaldiaren aurretik. Goizeko 10:45etan ibilbide luzeko partaideak abiatuko dira; eta 11:00etan, berriz, ibilbide laburrekoak.
