Bixi-Bixik Anje Duhalde eta Conor Mac Carthyren kontzertua antolatu du gaur
Gora herriak egitasmoaren barruan Euskal Herria eta Irlanda gerturatzeko sanjuandarren saiakerak aurrera darrai.
Hil hasieratik dihardu Bixi-Bixik sanjuandarrei, nahiz egunotan bertora hurbildu izan direnei, Gora herriak egitasmoarekin Irlanda gertuagotik ezagutarazten. Asteburu honetan geldiunea egingo badute ere, gaur egun handia dute, Anje Duhalde et Conor Mac Carthyk kontzertua eskainiko baitute.
Saioa Juanba Berasategi auditorioan izango da, 20:00etatik aurrera, eta sarrerak Berezi okindegian edo 667 72 21 44 telefonoaren bitartez eskura daitezke.
Asteartean jarraituko dute ekintzekin. Horra hor aurretik dituztenak:
- Hilak 14, asteartea.
- Hitzaldia. 19:30ean, Kulturgunean. Gaelikoz garatutako irlandar kultura. Egungo egoera, etorkizuna. Gerard O Chianan eta Mac Siacais-en eskutik.
- Hilak 15, asteazkena.
- Pub irlandarra. 19:30etik aurrera, Meipin, Irish music session. Edel, Stephan eta Emma.
- Hilak 16, osteguna.
- Hitzaldia. 19:30ean, Kulturgunean. Irlanda batu eta askeari begirako urratsak, azken urteotako aldaketak, gazte eta emakumeen perspektiba berriak… Mairead Farrell-en eskutik, Irlandako Sinn Feingo errepublikar alderdi politikoko parlamentaria.
- Hilak 17, ostirala.
- Pub irlandarra. 19:30etik aurrera, Santiago plazan, Traditional irish music and songs. Edel, Stephan eta Emma.
- Hilak 18, larunbata. Bukaerako jai handia.
- 12:00. Muxikoak, Meipin.
- 13:00. Kantu-Jira.
- 14:00. Herri bazkari irlandarra, Bixi Bixi plazan. (Sarrerak, Berezi okindegian edo 667 72 21 44 telefonoaren bitartez).
- 17:00. Itxiera ekitaldi politiko-kulturala.
- Bukatzeko, garagardo festa, Txufla elektro-txaranga, eta musika gehiago.
