Karmengo jaietan barra eta sukaldea betetzera deitu dute Korkoiburuek
Trintxerpeko Korkoiburuen txosna bueltan izango da datorren uztailaren 14tik 17ra bitarte, eta txandak betetzeko jendea behar dute.
![](https://oarsoaldea.hitza.eus/site/files/2022/06/48299941587_662433770a_o.jpg)
Hilabete besterik ez da falta Trintxerpeko Karmengo Amaren Jaiak hasteko (uztailaren 14ik 17ra ospatuko dituzte), eta martxan hasiak dira Korkoiburuak horiek buru-belarri prestatzen. Oraingoz aurreratu dutena da, aurten bai, bueltan izango dela Korkoiburuen txosna, eta horretarako esku bat beharko dute.
Aurreko urteetan bezala, Gudarien plazan kokatuko du Trintxerpeko eragileak jaietako barra, ostegunetik igandera. Bertan zerbitzatzeko ez ezik, sukaldean lan egiteko ere boluntarioak behar dituzte. Gogora ekarri dute funtsezkoa dela diru hori Euskararen eguna, inauteriak eta hurrengo urteko jaiak antolatzen jarraitu ahal izateko.
Txosnan nahiz sukaldean txanda bat egiteko prest dagoena Korkoiburuekin harremanetan jar daiteke Facebook bidez edota, zuzenean, izena emateko prestatu duten formularioan hautatu hobekien datorkion ordutegia eta lan mota. “Anima zaitezte gurekin batera herria egitera!”, egin dute gonbidapena.