Udal bulego berriak egingo dituzte Kale Nagusian
Bulego berrietarako espazio beharragatik Kale Nagusiko 32. zenbakiko behealdea egokituko dute. Uda ondoren bukatuko dituzte lanak.
Martiarena alkatea, bulego izango direnen atarian. Jesus Mari Martiarena alkateak jakinarazi du Kale Nagusiko 32. zenbakiko eraikinaren beheko solairuan udal bulego berriak jarriko dituztela. Alkateak aipatu du tokia behar zuela udalak bulego gehiago izateko, eta erabaki dute horiek han jartzea. “Oso albiste ona da udalarentzat, bulego berriak egiteko tokia behar genuen eta Kale Nagusian ondo kokatuak egongo dira”, adierazi du Martiarenak.
Udal azpiegitura prestatzeko obren lizitazioa prestatzen ari direla jakinarazi du udal erakundeak, eta lanak uda pasata bukatuta egongo direla zehaztu du.
