Udal txistulariek hiru emanaldi antolatu dituzte ekainean
Horietan lehena igandean izango da, eta 09:00etan hasiko den diana Galtzaraborda eta Igantzi auzoetan murgilduko da.
Udal txistulari taldea. Udal txistulari taldeak hiru emanaldi antolatu ditu ekainean. Horietan lehena igande honetan izango da, hilak 19, eta diana Galtzaraborda eta Igantzi auzoetan murgilduko da. Txistulariek 09:00etan hasiko dute saioa, eta aipatutako auzoetako kalean alaitu ondoren, udaletxean bukatuko dute goizeko ibilbidea.
Bigarren emanaldia hurrengo ostegunean izango da, hilak 23, San Juan bezperako gauean. Ohiturari jarraituz, txistulariek Soka dantza joko dute Herri Arte Eskolako dantza ikasleentzako. Lehenik, Herriko plazan izango dira 19:00etan; eta, ondoren, Pontikara joango dira, 20:00etan hasiko den saioan.
Bukatzeko, txistularien azken emanaldia datorren igandean izango da, hilak 26, eta diana Gaztaño auzoan zehar ibiliko da. Txistulariak 09:00etan hasiko dira, eta Gaztañoko kaleetan jo ondoren, udaletxean bukatuko dute saioa.
