LGTBI Komunitatearen Egunagatik bi irakurketa egin dituzte alderdiek
Pasaiako Udaleko alderdi guztiek aldarrikapen adierazpena egin dute. PSE-EE, EAJ eta Ahal Duguk era bateratuan, eta EH Bilduk bere aldetik.
Ostadarraren koloreko zebrabideen liskarra ekarri du gogora EH Bilduk. 
Gaur, ekainak 28, LGTBI Komunitatearen Eguna aldarrikatzen da nazioartean, eta horren harira zenbait adierazpen egin dituzte Pasaiako udalbatza osatzen duten lau alderdiek. EAJ, PSE-EE eta Ahal Duguk adierazpen bateratua bidali dute hedabideetara.
EH Bilduk, ordea, bere kabuz egin eta zabaldu du irakurketa. Oposizioko taldeak esan du, maiatzaren 17ko bide beretik jarraiki, ezin duela udal gobernuaz “harro egon” , eta horien adierazpenari “hutsal” eta “konpromisorik gabea” iritzi diote. Ostadarraren koloreko zebrabideen liskarra ekarri dute gogora.
Hori horrela, bakoitzak bere bidetik egin du gaur, baina udaletxean ortzadarraren bandera jartzea adostu dute udal taldeek, eta Pasaiako herritarrak animatu dituzte egun honen bueltan antolaturiko jardueretan parte hartzera.
