[Bideoa eta galeria] Kataluniak eta Euskal Herriak goizean hasi dute Pirinioetako Bidea, Oiartzunen
Gauean argiztatuko dituzte, Gure Eskuren eta Kataluniako hainbat erakunderen ekimenez Oarso Bidasoko eta Pirinioetako mendiak.
Gaur da Pirinioetako Bidearen eguna. Gure Eskuk eta Kataluniako hainbat erakundek, bi nazioen erabakitzeko ahalmena eta burujabetza eskubidea herritarren eta agintarien agenden aurre-aurrean jarri nahi dute. Horregatik, gaur, Jaizkibeldik hasi eta Creuseraino (Girona, Katalunia) 300dik gora mendi gailu argiztatuko dituzte, gauez, Europara begira jarri eta ni nazioen burujabetza eskeraren aldarria argizta dadin.
Oarsoaldean eta Bidasoan herriz herri antolatu dituzte egunari lotutako jarduerak, gehienak mendiak argiztatzeko iniziatibarekin berarekin harremana dutenak (behean dago denen zerrenda). Oiartzunen, ordea, egun osorako egitaraua prestatu dute. Horren erakusle dira ondoko irudiak eta bideoa: Haurtzaroko nahiz Elizaldeko dantzariek, Oidultz-eko musikariek, eta Kataluniatik etorritako Bastoner dantzariek (L’alborc herrikoa) eta drac-ak (Banyeres del Penedes herrikoak) piztu dute gauean gailurrera iritsiko den giroa. Arratsaldean ere egingo dituzte saioak, kasu horretan Altzibar auzoan, jada tontorretara joateko beroketa bete-betean.
GAURKOAK
Tokian tokiko Gure Eskuren lantaldeek hainbat deialdi egin dituzte, herritarrek kontuan har ditzaten. Jarraian agertzen diren herrietako ataletan argiztatuko diren Mendi Berdeak daude, hau da, herritarrek zailtasunik gabe haietara iristeko aukera duten mendiak. Mendi Gorriak ere badaude (zerrenda honetan ez daude), mendian eskarmentua izatea eskatzen dutenak, are gehiago gauez. Oraindik ere iniziatiban parte hartzeko izena eman daiteke..
OIARTZUN
- 12:00. Kalejira Beheko Plazako biribilgunetik, Oiartzungo eta Kataluniako kideekin.
- 17:00. Altzibarren, animazioa (txosna, musika, drac-a…).
- 19:00. Aiako Harriko Bianditz eta Errenga argiztatzea egokitu zaie oiartzuarrei. Hara joateko autobusak 19:00etan aterako dira Olaldeko biribilgunetik. Behin argiztapena egin ondoren, 23:00ak aldera itzuliko dira Olalde aldera autobusak.
- Oharra: Artikutzako bidea ibilgailu ororentzat (Gure Eskuren autobusentzat izan ezik) moztuta egongo da 18:00etatik 01:00ak arte.
ERRENTERIA-ORERETA
- 19:00. Zaria mendia argiztatzera joateko autobusak 19:00etan aterako dira Niessengo biribilgunetik. Afaria eramateko eskatu diete partaideei.
- 23:30ak aldera itzuliko dira herrira
LEZO
- 18:30. Jaizkibel mendia argiztatzea egokitu zaie lezoarrei, mendi tontorretik Paradorea zenaren aldera. Hara joateko autobusak antolatu ditu Lezoko Gure Eskuk: 18:30ean aterako dira Sotxo tabernaren paretik zuzenean lezoarrei dagokien mendiko zatira.
IRUN
- 18:30. Erlaitzeko gaina argiztatzera joango direnek Lapurriturriko informazio gunean erromeria egingo dute, musikarekin, eta jaki-edariekin. Hara autoz joan daiteke.
- 19:30. Irundarren beste talde batek Xoldokogainako argiztatzean parte hartuko du. Hara joateko 19:30ean gelditu dira Biriatuko parkinean.
- 21:30. Santiagoko bidegorriko laietan ere ekitaldia antolatu du Irungo Gure Eskuk mendira joaterik izango ez dutenentzat. Handik, bertaratzen direnek Jaizkibel, Xoldokogaina, Erlaitz eta Aiako Harria argiztatuak ikusiko dituzte.
PASAIA ETA HONDARRIBIA
- Bi herrietako kideek Jaizkibel argiztatuko dute. Aurrez ez dute deialdi berezirik egin.
GUADALUPE
- 16:00. Jaizkibel argiztatzera joan aurretik, han egongo direnak girotzeko gunea izango da Guadalupeko zelaigunean. Bertan musika, jakiak eta edariak izango dira. 240 autorentzako tokia dago han, beraz, autoz joango direnei horiek jendez beteta eramatea eskatu diete. 18:00etan autobusak aterako dira Guadalupetik Paradorera, handik partaideak sakabanatzeko.
