Martxan jarri berri diren proiektuentzat diru laguntzak eskainiko ditu LANBIDEk
Eskaera epea urriaren 31ean bukatuko da, eta baldintza guztiak argitaratu ditu dagoeneko. Emakume eta gazteek kopuru handiagoak jasoko dituzte.
![](https://oarsoaldea.hitza.eus/site/files/2022/07/ekintzaileentzat-diru-laguntzak.png)
LANBIDEk, Euskal Enplegu Zerbitzuak, ekintzaileei diruz laguntzeko bi programa jarri ditu martxan. Eskaera aurkezteko epea ireki da orain: 2022ko uztailaren 5ean hasi eta 2022eko urriaren 31ean amaituko da; eta EAEko Administrazio Publikoaren egoitza elektronikoaren bidez aurkeztu behar dira.
Onuradunek jasoko dituzten diru-laguntzak ondorengoak dira:
- Aktibo finkoetan egindakoa inbertsioak (gutxienez 5.000 eurokoa izan bada). Onuradun bakoitzak, gehienez ere, 3.500 euro jasoko du (%15 gehiago gaztea bada, eta beste %15 gehiago emakumea bada). 2022ko urtarrilaren 1etik eta 2022ko urriaren 31 arteko epean EJZan eta Gizarte Segurantzan altan emandakoentzat.
- Datozen 10 hilabetetan egingo diren gastuak (autonomoen kuotak, komunikazio gastuak, web eta sare sozialen mantentze kuotak, aholkularitza, prestakuntza eta errentamendu gastuak). Onuradun bakoitzak, gehienez ere, 2.500 euro jasoko du (%15 gehiago gaztea bada, eta beste %15 gehiago emakumea bada). 2021eko urriaren 30etik eta 2022ko urriaren 31 arteko epean EJZan eta Gizarte Segurantzan altan emandakoentzat.
Eskaera egin nahi dutenek, hemen aurki dezakete informazio eta dokumentazio osoa: proiektua ezartzeko laguntza, edo enpresa jarduerak sendotzeko laguntza.