Goi mailako finalak Zuloaga Memorialean
Larunbatean jokatu ziren Agustina Otaolan pilota txapelketako kimuen, infantilen eta kadeteen giro eta maila altuko finalak.
Pilotari guztiak sari banaketan. Larunbatean jokatu ziren Alkartasuna eta Ondarra elkarteek antolatzen duten J.A. Zuloaga XXVI. Memorialaren lehen finalak Agustina Otaola pilotalekuan, kimuen, infantilen eta kadeteen mailan. Final horietara ikusle ugari bertaratu ziren, eta hiru partida luze eta goi mailakoz gozatu ahal izan zuten pilotazaleek. Honakoak izan ziren finalen emaitzak:
- Kimuak: Santesteban/Ugartemendia 18 – 12 Arsuaga/I. Ormazabal.
- Infantilak: Izagirre/Alberdi 18 – 14 Antimasberes II/Ibarzabal.
- Kadeteak: Urirte/Lacalle 14 – 22 Ibarluzea/Canseco.
Horrez gain, kimuetan Santesteban, infantiletan Alberdi eta kadeteetan Uriarte izan ziren finaleko pilotari onenak.
