Josetxo Etxandi oroitaldirako izena eman daiteke
46. oroitaldirako izena emateko zerrenda Txingurri tabernan dago. Hilaren 31ra arteko epean apunta daitezke interesdunak.
Iazko finalak Koldobike Gezala pilotalekuan izan ziren. Josetxo Etxandiren Omenezko 46. Oroitaldian izena emateko epea zabaldu dutela jakinarazi dute antolatzaileek. Lezoarrek parte har dezakete oroitaldian, eta partidak santakrutzen aurretik izango dira, eta finalak, berriz, herriko jaietan. Bikotetako txapelketa da, eskuzkoa eta pilota goxoekin. Emakume nahiz gizonek eman dezakete izena, eta hori egiteko, Txingurri tabernara joan behar dute interesdunek hilaren 31 baino lehenago.
Mailakako txapelketak egingo dituzte. Honakoak dira egokitu dituzten kategoriak:
- Haurrak: 2010. urtetik aurrera jaioak.
- Gaztetxoak: 2007, 2008 eta 2009 urteetan jaiotakoak.
- Helduak: 16 urtetik gorakoak.
Aurten, lehiak ohiko duen pilotalekuan izango dira, Goiko Plazako Josetxo Etxandi pilotalekura alegia.
