Udalbatzaren ohiko osoko bilkura, gaur
12 puntuz osatutako saioa 18:30ean hasiko da udaletxean, eta streaming bidez ere jarraitzeko aukera egongo da.
Errenteriako udaletxea. Gaur arratsaldean, 18:30ean, egingo da udalbatzaren ohiko osoko bilkura udaletxean. Ohikoa den bezala, saioa publikoari irekia izango da, publikotasuna bermatze aldera, eta streaming bidez ere jarraitu ahal izango da. Honakoa da gaurko saioaren gai zerrenda, 12 puntuz osatutakoa:
1. 2022ko ekainaren 28ko ohiko bilkurari dagokion akta irakurri, eta egoki bada, onartzea.
2. Ondorengo ebazpenen berri ematea: Alkatetzarenak eta Zinegotzi-ordezkarienak, 1.415 zenbakitik 1.623 zenbakira, biak barne, eta Tokiko Gobernu Batzordearenak.
3. 2022ko ekainaren 28ko 2022/1500 zenbakidun alkatetza-dekretuaren berri ematea: Iñaki Queralt Coira Antolaketa Batzordeko kide izendatzea, Eneko del Amo Jimenezen ordez.
4. 2022ko ekainaren 30eko 2022/1528 zenbakidun alkatetza-dekretuaren berri ematea: dedikazio partziala Iñaki Ruiz Alonso PSOEko zinegotziaren alde lekualdatzera eskaera.
5. Berri eman: Barne Kontroleko jardueren urteko laburpen-txostena.
6. Berri eman: 2022ko bigarren hiruhilekoa: Udalaren eta menpeko entitateen aurrekontuaren exekuzioa eta OBBE.
7. Proposamena: 2021eko kontu orokorraren onartzea.
8. Proposamena: itxitako ekitaldietako diru-sarreren baja.
9. Proposamena: Giza Baliabideak Arrazionalizatzeko Programa: 2020-2024.
10. Proposamena: San Marko Mankomunitateko idazkaritza funtzioak Errenteriako Udaleko udal idazkariak hartzea.
11. Proposamena: Errenteriako udalerriko landa-eremuen biztanle-entitate bereziak sortzea.
12. Galdera-eskariak.
