Beñat Garaiar, hirugarren Europako Pista Txapelketan
Erlojupeko kilometro modalitatean parte hartu eta 01'03''364 marka ezarri zuen. Bidean zehar aldamenean izan dituenak oroitarazi zituen.
Beñat Garaiar txirrindulari oiartzuar gaztea. Beñat Garaiar txirrindulari oiartzuar gaztea bikain aritu da Europako junior eta 23 urtea azpiko Pista Txapelketan. Joan den asteburuan lehiatu zen Anadian (Portugal), Espainiako selekzioarekin batera. Bertan, erlojupeko kilometroko modalitatean hartu zuen parte, eta hirugarren postua eskuratu zuen. Oiartzuarrak marka bikaina ezarri zuen: 01’03”364. Oso lehia estua izan zen, hain zuzen ere, aurretik izan zituen M. Hytych txekiarrak 01’03’076ko denbora ezarri zuen (garaile izan zenak, alegia); eta K. Meng alemaniarrak, bigarrenak, 01’03”302 behar izan zituen. Beñat Garaiarrek oso pozik zegoela adierazi zuen, eta bidean zehar aldamenean izan dituen guztiak izan zituen gogoan.
Hortaz gain, gizonezko taldekako jazarpenean parte hartu zuen ere Garaiarrek. Lau minutu eta hamabost segundoko marka ezarri zuten, eta seigarren amaitu.
