Abuztuan, Listorreta ingurua ezagutzeko aukera
Gipuzkoako Parketxe Sareak eta Errenteriako Udalak orientazio jolasa eta bi ibilaldi antolatu ditu datorren hilabetean.
Listorreta-Barrengoiako informazio puntua. Arditurri parketxeak abuzturako antolatu duen udako egitarauaren berri eman du, Errenteriako Listorreta aisialekua ezagutzeko. Urtero antolatzen dute egitarau hau, eta aurten, Gipuzkoako Parketxe Sarea eta Errenteriako Udala elkarlanean aritu dira. Honako hauek dira aurtengo ekimenak:
Abuztuak 13, larunbata
- Iparra galdu gabe. Orientazio jolasa familian: goizeko 10:00etan Listorretako aisialekutik abiatuta, hiru kilometroko ibilaldi erraza, ordu eta erdi ingurukoa. Azalpenak elebitan egingo dira, eta izen emateak lau euro balioko ditu (aldez aurretik, derrigorrez).
Abuztuak 15, astelehena
- Ibilaldi gidatua Listorretako inguruetatik: Goizeko 11:00etan abiatuko da Listorreta aisialekutik, ordu eta erdi inguru iraungo du eta bertan amaituko da. Ibilaldi erraza izango da, eta doakoa. Azalpenak gazteleraz egingo dira. Izen ematea, aldez aurretik egin behar da.
Abuztuak 27, larunbata
- Ibilaldi gidatua Listorretako inguruetatik: Goizeko 11:00etan abiatuko da Listorreta aisialekutik, ordu eta erdi inguru iraungo du eta bertan amaituko da. Ibilaldi erraza izango da, eta doakoa. Azalpenak gazteleraz egingo dira. Izen ematea, aldez aurretik egin behar da.
Bestela, joan den uztailaren 16an, larunbatean, saguzarrei buruzko hiltzaldia antolatu zuen Listorretako aisialekuak. Hogeita hamar lagun elkartu ziren arratsean, eta azalpenak jasotzeaz gain, detektagailuak erabili zituzten.
Aurrera begira, Arditurrik helbide elektroniko hau edo 943 495 069 telefonoa jarri ditu herritarren eskura; izan informazio gehiago luzatzeko izan jardueretan izena emateko.
