Hirugarren Euskaraldiarekin bat egitea eztabaidagai izango du udalbatzak
Datorren astearterako deituriko ezohiko udalbatzarreko hamar puntuetako bat izango da euskara sustatzeko ariketari batzea.
Udaletxeko pleno aretoan egingo dute ezohiko bilkura. 
Pasaiako udalbatzak ezohiko plenoa deitu du datorren astearterako (hilak 26), 08:00etan hasita. Udalbatzarra, ohi bezala, Arizabalo Jauregiko pleno aretoan egingo dute, eta hamar puntu izango dituzte eztabaidagai udalerriko zinegotziek.
Horien artean, Euskaraldiaren hirugarren ekitaldiarekin bat egin edo ez erabaki beharko dute lau alderdi politikoek. Zortzigarren puntua da hori.
Horra hor gai zerrenda:
-
- Aurreko bilkurako aktak irakurri eta onartzea.
- Xedapen ofizialak eta Alkatetzaren eta zinegotzi ordezkarien ebazpenen berri ematea eta Tokiko Gobernu Batzarreko akordioen berri ematea.
- Arduraldi osoko zinegotzia izendatzeko alkate ebazpenaren berri ematea.
- OGASUNA
- Kreditu aldaketen berri ematea.
- 2022ko 2. hiruhilekoko batez besteko ordainketa-aldiari buruzko txostenaren berri ematea.
- 2022ko 2. hiruhilekoko aurrekontuaren gauzatzearen berri ematea.
- Onartzea udal honen aurrekontuko kredituak aldatzeko espedientea: Kreditu gehigarriak 4. zenbakia.
- EUSKARA
- Euskaraldiaren 3. edizioarekin bat egitea.
- PERTSONALA
- 2022ko Plantilla Organikoaren eta Lanpostuen Zerrendaren aldaketa: Egonkortze plana.
- Galde-erreguak.
