Oiartzun txapeldun, Euskal Herriko herriartekoan
Lehen aldiz lortu du Euskal Herriko Herriarteko Pilota Txapelketa irabaztea, eta udalak harrera egin die pilotariei.
Oiartzuni harrera egin diote Euskal Herriko Herriarteko Pilota Txapelketa irabazi ondoren. Harrera beroa jaso dute herrian pilotariek Euskal Herriko Herriarteko Pilota Txapelketa irabazita. Atzo, garaile izan zire oiartzuarrak Markinaren kontra Zumarragan, eta lehen aldiz jantzi dute Euskal Herriko Herriarteko txapela.
Garaipenaren ondotik, udaletxean harrera egin zieten. Enekoitz Markos kirol zinegotziak “lorpen historikoa” izan zela nabarmendu zuen, eta “urte osoan zehar egindako lan gogorraren emaitza”. Jexux Leonet alkateak ere lortutakoa “ikaragarria” izan dela adierazi du, eta Oiarpeko familia guztia zoriondu zuen: “Sei pilotarik jokatu duzue gaur Oiartzunen izenean, baina txapel horren atzean lan handia dago”. Besteak beste aipatu zituen pilotariak, “egindako lan eta sakrifizioarengatik”; familiak, “astebururo herri batetik bestera pilotariak babesten eta laguntzen egoteagatik”; eta Oiarpe elkartea, “urte hauetan guztietan egindako lan ikaragarriarengatik”. Bide berbera jarraitzeko esan zien guztiei, eta ibilbide horretan, “udalaren babes osoa” izango dutela berretsi zuen.
Pilotariak Done Eztebe plazan nahiz udaletxeko balkoian jaso zuten herritarren goxotasuna, Oiartzun gogor erantzun lelopean.
Oiartzunek Euskal Herriko Herriarteko txapelketa irabazi du. esku pilotan.
