[Bideoa] Pasaiako 2022ko Euskaraldiak badu 'flashmob'-a
Iragan ediziorako Pasaian sorturiko Bihurguneak abestia oinarri, bideoklipa egin dute. Geroz eta dantzari gehiago; geroz eta hiztun gehiago?
![](https://oarsoaldea.hitza.eus/site/files/2022/07/dsc09983.jpg)
Joan den hilabete bukaeran kontatu genuen: iragarri gabeko flashmob bat zirudiena egin zuten Trintxerpeko Gudarien plazan, Euskaraldiaren azken edizioko Bihurguneak abestiaren erritmora. Atzo estreinatu zuten dantzaren bideoklipa.
Pixkanaka dantzariak koreografiari batu zitzaizkion bezala, baliteke aurtengo Euskaraldiaren asmoa izatea hizlari berriak ere batzea euskararen aldeko saiakerari. Hipotesiak hipotesi, garbi dagoena da geroz eta gutxiago falta dela aurtengo ariketarako: azaroaren 18tik abenduaren 2ra bitarte egingo da.