[Galeria] Pasaiako ikertzaile onenei sariak banatu dizkie Laurak Batek
Elkarteak abiarazitako Pasaiako sekretua ihes-jokoak baditu irabazleak. Sari sorta banatu zuten atzo arduradunek, Trintxerpen.
Saridunak, udal taldeetako zenbait ordezkariekin eta antolatzaileekin. 
Laurak Bat Pasaiako Merkataritza, Zerbitzu eta Ostalaritza elkarteak joan den hilean abiarazitako Pasaiako sekretua ihes-jokoak baditu irabazleak. Atzo arratsaldean, sari-banatze ekitaldia egin zuten Trintxerpeko Alkateordetzan, eta opari sorta banatu zuten.
Jokoa 12 urtetik aurrerako gazteentzat diseinatu zuten, eta elkartearen eledun Mari Carmen Mogilnickik arrakastatsu iritzi zion iniziatiba berritzaileari, epe laburrean 100dik gora parte hartzaile izan baititu. Pasaitarrak aitortu zuen, dena den, aurreikusitako adin-tarteetako bat hutsik gelditu zela, 15-17 urte bitarteko inork ez baitzuen parte hartu.
Azken horren harira hausnarketa egin dute herriko elkartekoek: “Uste dugu denbora gutxi eman dugula parte hartzeko, eta gainera datak ez dira aproposenak izan, ikastolak itxita, gazteak oporretan…”. Dena den, parte hartu dutenen gehiengo zabala pasaitarra izan bada ere, jokoak lortu du kanpoko bisitariak ere bertoko merkataritza, ostalaritza eta zerbitzuetara gerturatzea, Donostiako, Irungo, Hondarribiko eta Lezoko bizilagunek ere, besteak beste, parte hartu baitute.
Eskerrak eman zizkien Laurak Batek atzo partaide guztiei, eta baita sustatzaileei ere: Escapedonostiko kideei eta Pasaiako Udalari, eta noski, bertoko merkatari, ostalari eta zerbitzuetako langileei. Jarraian, sariak banatu zituzten kategoriaz kategoria, erdietsitako puntuen hurrenkeran. Horra hor izen zerrenda eta saridunen argazkiak:
- 12-14 urte bitarteko kategoria.
- Irabazlea: Daniel Merino Dominguez. Laurak Bat saria: patinetea eta kaskoa.
- 15-17 urte bitarteko kategoria.
- Hutsik.
- 18 urtetik gorako kategoria.
- Josune Urrengoetxea. Laurak Bat saria: patinetea eta kaskoa.
- Lorena Avila. Rumax saria + Seve Sagarzazu + Tien21.
- Marcial Merino. Escape Room Donostia saria.
- Endika Ouviña. Ekilore saria.
- Mari Carmen Mogilnicki. Farmacia Dominguez + Sua decoracion saria.
- Xabier Lopez. Molona home + Nautica Muro saria.
- Cristina Aguirrebeña. Nautica Muro saria.
- Raquel Dominguez. Decoro saria.
- Celso Avila. Sua decoracion saria.
- Arturo Unsuain. Donimag + Mapfre saria.
- Danel Lopez. Mapfre saria.
- Garazi Ibargarai. Naiu estetika + Aintzane okindegia + Aguirrebeña saria.
- Gar Maren Inda. Naiu estetika + Aintzane okindegia + Aguirrebeña saria.
- Ane Beristain. Naiu estetika + Aintzane okindegia + Aguirrebeña saria.
