Trikitixa eta panderoa ikasteko klaseetan izena eman daiteke
Auntxa Trikitixa Eskolak antolatzen dituen ikastaroak Elizalde Herri Eskolan egiten dira astean behin, eta izen-emateak irekita daude jada.
![](https://oarsoaldea.hitza.eus/site/files/2022/09/img-3972-scaled-1.jpg)
Auntxa Trikitixa Eskolak prest ditu trikitixa eta panderoa jotzen ikasteko ikastaroak. Elizalde Herri Eskolan ematen dituzte klaseak, eta 6 urteko haurrengandik hasita, edonork eman dezake izena ikastaroetan. Klaseak astean behin egiten dituzte, eta ordubeteko iraupena dute. Egiten dituzten klaseez gain, taldekako saio bereziak ere antolatzen dituzte urtean zehar izaten dituzten emanaldiak prestatzeko.
Informazio gehiagorako edota izena emateko, interesdunek 943 61 88 39 eta 615 79 05 10 telefonoetara, info@auntxatrikitieskola.com helbide elektronikora edo Auntxa Trikitixa Eskolako webgunera jo beharko dute.