Haurrak istorio eta kondairetako protagonista izateko tailerrak
Urriaren 1ean, 5-12 urte bitarteko gazteek mundu mitologiko batean murgiltzeko aukera izango dute istorio eta kondairen bidez Lekuonan.
![](https://oarsoaldea.hitza.eus/site/files/2021/04/dsc0260.jpg)
Urriaren 1ean, Lekuona Fabrikan, haurrentzako ekintza bat antolatu dute Errenteriako Udalak eta Emanbira Kultur Elkarteak. Egun horretan, parte hartzaile gazteak mundu mitologiko batean murgilduko dira istorio eta kondairen bitartez, eta haiek izango dira protagonista nagusiak. Jolasen, musikaren eta eskulanen bidez ipuinetako pertsonaiengana hurbilduko dira, eta egitasmoaren helburua da gaztetxoek ipuinak eta kondairak bizi ahal izatea, haiek dakartzaten ikaskuntzak barneratzeko.
Honakoak dira prestatu dituzten jarduerak:
- Perkusio tailerra.
- Testuinguratzea. Kondairen tokira eta unera joatea jolastuko dira. Horretarako, oihalak, margoak eta abar bezalako materialak izango dituzte.
- Gorputz-hizkuntza eta dantza.
- Eskulanak.
Urriaren 1ean jorratuko diren ekintzak 5-12 urteko bitarteko haurrei bideratutakoak dira. Lekuona Fabrikak jasoko ditu jarduerak, 11:00etatik 13:00era. Parte hartze sarrera doakoa da, eta Lekuona Fabrikan bertan edo internet bidez eskura daiteke.