Trafiko aldaketak, Atlantikaldiaren harira
Ostegunetik igandera kultur ekimenez josiko denez hiria, hainbat trafiko aldaketa egingo ditu udalak: kale mozketak eta aparkaleku aldaketak.
Datorren ostegunean, etzi, hasiko da Atlantikaldia jaialdia. Igandera arte luzatuko dituzte ekimenak, eta orotariko kultur nahiz aisialdi emanaldiek hartuko dituzte herriko kaleak lau egunez. Horren harira, udaltzaingoak herriko trafikoak biziko dituen aldaketen berri eman du.
Hainbat aparkaleku, bertan behera
Aparkalekuei dagokienean, ezingo dira gune hauek erabili hurrengo tarteetan:
- Panier aparkalekua: gaur arratsaldeko 20:00etatik irailaren 18ko, igandeko, 20:00etara.
- Astotokiko aparkalekua: hilaren 15eko, osteguneko, goizeko 08:00etatik irailaren 20eko, astearteko, 20:00etara. Era berean, Nafarroa hiribidea, Aurrerako zubiaren eta Santa Klarako biribilgunearen artean ezin izango da autorik aparkatuta utzi.
- Foru plazako zamalanetarako eremua: Bihar, goizeko 08:00etatik irailaren 18ko, igandeko, goizeko 09:00etara.
- Zamalbide kalea: Irailaren 16ko, ostiraleko, goizeko 10:00etatik igandeko goizeko 09:00etara.
Behin behineko aparkalekuak
Alternatiba gisa, udalak hurrengo aparkalekuak egokituko ditu datozen egunotarako:
- Mendi Lore Aldearen zabalgunea, Lousada kalean: Ostegunean ireki eta igandeko 20:00ak arte egongo da irekita.
- Touring hiribideko tenis pistak: Ostegunean ireki eta igandeko 20:00ak arte egongo da irekita.
- Telleri ikastetxeko aparkalekua, Bittor Idiazabal kalean: ostiral eta larunbateko arrats eta gaualdetan, 19:00etatik 04:00etara.
Trafiko mozketak
Bestela, trafiko mozketak egingo dituzte hiriko hainbat guneetan. Hurrenez hurren, eremu hauek itxiko dituzte behin behinean:
Irailaren 15ean, ostegunean:
- Santa Klarako biribilgunetik Galizia biribilguneraino, Nafarroa Etorbidea: 19:45etik 22:15era itxiko dute, Agirre Lehendakariaren plazako kontzertuek iraun artean.
Irailaren 16an, ostiralean:
- Zamalbide kalea eta Panier zubia: 19:45etik 22:15era, jarduerek eta kontzertuak iraun artean.
- Santa Klarako biribilgunetik Galizia biribilguneraino, Nafarroa Etorbidea: 19:45etik 01:30etara, Agirre Lehendakariaren plazako kontzertuek iraun artean.
Irailaren 17an, larunbatan:
- Zamalbide kalea eta Panier zubirako sarbidea: 10:00etatik 02:30etara itxiko dituzte, jarduerek eta kontzertuak iraun artean.
- Santa Klarako biribilgunetik Galizia biribilguneraino, Nafarroa Etorbidea: 19:45etik 01:30etara, Agirre Lehendakariaren plazako kontzertuek iraun artean.
Udalak udaltzaingoaren herritarren arretarako bulego mugikorra jarriko du ostiral eta larunbatean, Lekuona fabrikaren aurreko zurezko zubian.
Garraio Publikoa
Nafarroa etorbideko mozketengatik, zati horretan Oiartzun-Irun-Hondarribia norabidean doazen autobusak, baita Donostiarantz doazen autobusak ere GI-636 saihesbidetik bidaliko dituzte. Zumardiko, Gabierrotako eta Lartzabaleko geltokiak, beraz, bertan behera geldituko dira.
