Zabalik dira Pasaiako hiru gaztelekuak
Trintxerpe-San Pedro, Donibane eta Antxoko udal gaztelekuetako ateak irekita mantenduko dira uztailaren erdialdera arte.
Trintxerpe-San Pedroko gaztelekuaren atea. 
Joan den ostiralean berrireki zituzten Trintxerpe-San Pedro, Donibane eta Antxoko udal gaztelekuetako ateak, eta hala mantenduko dira datorren uztailaren erdialdera arte.
Pasaiako Udaleko Haur, Nerabe eta Gazteen Sustapen Sailak ziurtatu du “inoiz baino desiratuagoak” direla aurten eremu horiek, koronabirusak eragindako krisialdiaren ondoren.
Gazteen egoitzak irekita egongo dira ostegunetan, 18:00etatik 20:00etara, eta ostiral nahiz larunbatetan, 17:00etatik 21:00etara. Kantauri Ludiko Elkarteak kudeatzen du zerbitzua. Horren baitan, gaztelekuetako animazio eta aisiaren ardura duten hezitzaileez gain, hiru egoitzetarako koordinatzaile bat ere ari da lanean.
Antxoko gaztelekua Axular plaza 7 behean dago, eta telefonoa hau da: 943 24 25 77. Trintxerpe-San Pedrokoa, Gran Sol 11 behean dago, eta telefonoa hau da: 943 24 81 98. Donibanekoa, berriz, J.J. Otaegiko eraikineko hirugarren solairuan dago, eta telefonoa hau da: 943 51 72 90.
