Abendura arte, artez blaituko da Errenteria
Maite Gartzia Kultur zinegotziak eta Iker Tolosa kultur teknikariak abendura bitarteko arte eszenikoen programa aurkeztu dute. Askotarikoa da egitaraua.
Iker Tolosa kultura teknikaria eta Maite Gartzia Kultura zinegotzia, gaur eguerdian. Beñat Agirresarobe. Gaur eguerdian, Iker Tolosa Kultur teknikariak eta Maite Gartzia Kultur zinegotziak irailetik, datorren asteburutik, abendura bitarteko arte eszenikoen programa aurkeztu dute, udalak antolatutakoa. Biak ala biak oso pozik agertu dira agerraldian, egitarauak disziplina desberdinak integratzea lortu duelako, mailako eskaintza proposatuko delako, eta askotarikoa izango delako: abendua bukatu bitartean, ia astero egongo da eskaintzarik.
Jarraian, gaurtik eta abendura arteko egitarau osoa ageri da:
Irailaren 24a, larunbata
- 19:00etan, Herriko plazan: “Dantza Hirian” antzezlana. Bi pieza eskainiko dituzte, Juan Carlos Avecillaren “Du@l” eta Daniel Andreuren “Indico”.
Irailaren 25a, igandea
- 19:00etan, Lekuona fabrikan: “Yarin” Kukai Dantzaren ikuskizun berria. Euskal kulturak eta flamenkoak dituzten elementu komunetan sakondu dute Jon Maya eta Andres Marinek.
Urriaren 8a, larunbata
- 20:00etan, Lekuona fabrikan: Lasala konpainiaren “Dead” ikuskizuna. Bertan, emakume bakar bat izan daitezkeen lau emakumeren bizitza kontatzen du, eta norberak aukeratutakoa bizitzeaz hausnartzen.
Urriaren 16a, igandea
- 19:00etan, Niessen kulturgunean: “La panadera” antzezlana. Emanaldi honetan, Concha okinak (Sandra Ferrus) bideo intimo bat jasoko du. Bi alaben ama, hankaz gora jarriko dio bizitza.
Urriaren 21a, ostirala
- 18:00tan, Niessen Kulturgunean: “Leihoak” ikuskizuna, Teatro Paraisoren eskutik. Familientzako eskainia, etxeko txikienek bidaia egingo dute hotz elur eta euri artean.
- 20:00etan, Lekuona fabrikan: Iseo & Dodosounden kontzertua. Reggaea, hip hopa eta duba oholtza gainera ekarriko du bikote nafarrak.
Azaroaren 11, ostirala
- 20:00etan, Lekuona fabrikan: Kukai Dantza Taldearen “Eta orain zer?” sokadantza emanaldia.
Azaroaren 18a, ostirala
- 18:00etan, Lekuona fabrikan: Campi qui pugui konpainia kataluniarrak “Eskolara bidean” antzezlana eskainiko du, haur eta umeek eskolara bidean aurre egin beharreko zailtasunen inguruan.
- 20:00etan, Lekuona Fabrikan: Lagrimas de Sangre talde kataluniarraren kontzertua.
Azaroaren 26a, larunbata
- 20:00etan, Niessen kulturgunean: Horman Poster Kolektiboaren “Souvenir” obraren emanaldia.
Abenduaren 1a, osteguna
- 18:00etan, Niessen Kulturgunean: Christine Hassid koreografoaren emanaldia. Munduaren merkantilizazioaz hausnartzeko obra da berea. Dantzagunearekin elkarlanean programatutako emanaldia da.
Abenduaren 16a, ostirala
- 18:00etan, Niessen kulturgunean: Benetan Be konpainiaren antzezlana, udaberrietan gertatzen den migrazioari buruz.
Abenduaren 17a, larunbata
- Lekuona Fabrikan: Huntza musika talde gipuzkoarraren kontzertua.
Abenduaren 23a, ostirala
- Lekuona Fabrikan: Doctor Deseo musika talde bilbotarraren kontzertua.
Abenduaren 30a, ostirala
- 12:30ean, Lekuona Fabrikan: Familiei eskainitako Berdinki Zirkusen emanaldia.
- 20:00etan, Niessen kulturgunean: Yllana konpainiaren “Pagagnini” ikuskizuna, Ara Malakianek bertsionatua.
Sarrerak
Gaurtik aurrera, salgai jarri dituzte ekitaldi guztietarako sarrerak, atari honetan. Bertatik bertara salduko dituzte ere sarrerak, Lekuona fabrikan. Ekimenen egunetan ordubete lehenago salduko dituzte ere, baldin eta aldez aurretik ez baldin badira sarrera guztiak saldu. Helduek 9 edo 10 euro ordaindu beharko dute, familiei zuzenduriko jarduerek hiru euro eta erdi balioko duten bitartean.
