Zazpigarrenez, 'kategoriko' bertso bazkaria Oiartzunen
Urriaren 15ean izango da bertso bazkaria, Elizalde Herri Eskolan. Goi mailako bertsolariek otordua gozatuko dute.
2017eko bertso bazkarikoa da irudia. Hor dauden hainbat, urriaren 15ean izango dira herrian. Elizalde Herri Eskolak ‘kategoriko’ sei bertsio bazkari eginak ditu, eta zazpigarrena urriaren 15ean izango da: Kategoriko VII. Bertso Bazkaria. Oiartzungo hezkuntza zentrokoek ez dute ausaz erabili kategoriko hitza. Halakoa izango da bazkaria, eta itsatsita doakion bertso saioa: Maddalen Arzallus, Andoni Egaña, Maialen Lujanbio eta Jon Maia izango dira bertsolariak. Gaiak banatzen Leire Beloki ariko da. Udalaren eta Oiartzungo Bertso Eskolaren laguntza izan dute Elizaldekoek.
14:00etan hasiko da bazkaria, eta Herri Eskolan bertan da. Han egoteko, ordea, tiketak erosi behar: horiek Elizalde Herri Eskolan, Irubide tabernan, Kastro tabernan, Miren tabernan eta Kabitxo tabernan eskura daitezke. Bi prezio dituzte: 20 eurokoa 17 urtetik gora dituztenentzat, 10ekoa 16 urtetik beherakoentzat.
