"Galdutako arimen bila" aterako dira astelehenean sanpedrotarrak
San Pedroko Gau Beltza ospatuko dute bizilagunek datorren astelehenarekin. 17:30ean hasiko dira eguneko lehen jarduerak.
Aurten bai, berriro ere hartuko dute gozatua sanpedrotarrek Gau Beltzarekin, eta hilaren 31 emozioz josteko egitaraua prestatu du horretarako herritar talde batek.
17:30ean elkartuko dira bizilagunak lehen aldiz, eta 21:00ak arte edukiko dute zeregina. “Beldurrak piztu, iluntasuna bizi, geureari eutsi” lelopean, honakoak prestatu dituzte:
- 17:30. Sorgintxo dantzaren entsegua. Oharra: baserritar gona edo azpi-gona eraman beharko da.
- Jarraian, kalabaza hustea.
- 18:00. Mural beldurgarria, kriskitin makilak eta azazkalen apaintzea.
- 19:00. Ibilbidea, Galdutako arimen bila.
- 19:30. Sorgintxoen dantza eta gaztaina jatea.
- 21:00. Ibilbide beldurgarria 12 urtetik gorakoentzat.
