Topaguneak autobusa aterako du Bertsolari Txapelketa Nagusirako
Abenduaren 18an izango da finala. Autobusa 08:00etan abiatuko da, Ibaiondo alboko biribilgunetik. Buelta, txapelketa bukatu bezain pronto.
Elizondon abiatu ziren Bertsolari Txapelketa Nagusiko finalaurrekoak. Orduko argazkia da honakoa. [Irudia: Bertsozale Elkartea]. 
Abenduaren 18an, igandearekin, lehiatuko da 2022ko Euskal Herriko Bertsolari Txapelketa Nagusiko finala, Iruñean. Antxoko Topaguneak bertara joateko autobusa aterako du, eta hori bete nahian dabiltza.
08:00etan abiatuko dira, Ibaiondo alboan dagoen biribilguneko autobus geltokitik. Buelta, berriz, txapelketa bukatu “bezain pronto” egitea da asmoa. Dena den, data hurbildu ahala zehaztasun gehiago emango dituztela ohartarazi dute talde antxotarrekoek.
Izena emateko formulario bat sortu du Topaguneak, eta helbide elektroniko bat, izen-abizenak eta telefono zenbakia besterik ez dira zehaztu behar autobusean tokia erreserbatzeko. Esteka honetan sakatuz eman dezake izena.
