Azaroaren 23an izango da Pasaiako Beldur Barik lehiaketaren gala
Egitasmoarekin bat egin duten sortzaile gazteak, lehiaketa orokorrean parte hartzeaz gain, Pasaiakoan ere saridun izan daitezke.
Lehenengoz egiten ari da Pasaian Beldur Barik bideo lehiaketa. Emakumeek jasaten dituzten bereizketa egoerei aurre egiten dieten neska-mutilen adierazpenak aintzat hartzea, balioestea eta bultzatzea da sariketaren xedea, eta horiek, ikus-entzunezkoen bitartez aurkeztu behar dituzte. Hilaren 11ra arte zabalik da bideoak aurkezteko epea (hemen klik eginda, lehiaketaren oinarriak PDF artxiboan). Azaroaren 23an egingo da sarien banaketa Antxoko Kultur Etxean, gala berezi batean. 17:30ean hasiko da.
Lan horiek errespetuan, berdintasunean, askatasunean, autonomian, erantzukizunean eta indarkeria sexistaren gaitzespen irmoan oinarritutako jokabide eta jarreren adierazgarri izan behar dute. Edozein espresio artistiko erabil daiteke horiek sortzeko.
Pasaitarrek egindakoek, Beldur Barik-en lehiaketa orokorrean parte hartuko dute, egitasmoa Araba, Bizkai eta Gipuzkoako hainbat herritara zabalduta dagoelako. Baina azaroaren 23an egitekoa den galan, herriko lanak izango dira saria jasoko dutenak: hori kategoria daude, eta bakoitzaren irabazleak 200 euroko bonua jasoko du Laurak Bat-eko bazkide diren dendetan baliatzeko.
