[Galeria] Animo oihuek hartu dute Pasai Antxo
Aurten ere, leporaino bete dute Nafarroa etorbidea Behobiaren ikusleek. Hamalaugarren kilometroa arinago egin diete txaloz.
Gaur goizeko argazki bat, Nafarroa etorbidean. Goizeko hamarrak ere ez ziren lehen roller-ek Pasai Antxoko Nafarroa etorbidea hartu dutenean. Ordurako elkartuak ziren aski antxotar kale nagusiaren bi aldeetan, eta txaloz jaso dituzte 2022ko Behobia-Donostian parte hartu dutenak.
Gurpil gainekoen ondoren hasi dira heltzen lehen korrikalariak. Bizkorrenak sakabanatuago heldu dira Antxora, baina ohartzerako hutsunerik ez zen etorbidearen bi aldeetan, ez eta errepidean ere; 30.000tik gora lagunen lasterketa tsunami koloreduna izan da aurten ere.
Jarraian, Kaputxinoetako biribilgunetik Buenavistakora heldu bitarteko tramuko zenbait argazki.
