Euriak ere ez du antxotarren ilusioa apaldu
Hamarka bizilagunek bat egin dute "ilusiozko etorkizun baten alde" SOS Antxok deitutako manifestazioarekin.
Larunbateko manifestazioaren bukaerako argazkia. 
Larunbaterako deitua zuen SOS Antxo Koordinakundeak manifestazioa, eta euria antxotarrekin grinatu bazen ere, bizilagunek ez zuten hutsik egin eta 13:00etan Axular plazan bildu ziren. Bertatik, aterkipean, barrutiko kale nagusiak zeharkatu zituzten.
Herritarren aldeko taldeak euren aldarrien berri eman zuen mobilizazioaren bukaeran, Axularren bertan. Iragarri zuten, gainera, “manifestazioaren berri izandakoan” biltzera deitu zituela Izaskun Gomez alkateak, eta asteazkenean dutela hitzordua.
Koordinakundeak euren proposamenen berri eman zuenetik —urte erdi inguru pasa da— jaso duen lehen udal erantzuna da.
Erlazionatutako edukia[Erreportajea] Obra-hondakinekin «etorkizun itxaropentsu» bat eraikiz
