Barrutiz barruti egingo du desfilea Olentzerok
Gaurtik larunbatera bitarte ere bestelako desfile eta kalejirak izango dira. Eguberri bezperan, barrutiz barruti ibiliko da Olentzero.
Olentzero eta Maridomingi, iaz, Donibanen. [Arg.: Erik Salazar]. 
Datozen egunotan Pasaian izango diren Eguberri ekitaldiei buruzko informazioa eman du Pasaiako Udaltzaingoak. Horrekin batera, ohartarazi dute trafiko mozketak eta desbideratzeak izango direla ekitaldi horien eraginez.
Horratx egitaraua:
- Gaur, asteazkena. 11:30a arte, Pasaia-Lezo Lizeoak antolatutako desfileak izango dira barruti guztietan. Horien ondorioz, trafikoa kaltetu daitekeenez, Donibane kalea itxi egingo da, eta Santiago plaza ibilgailurik gabe utzi beharko da 12:30era arte.
- Hilak 23, ostirala. 11:00etatik 12:30era, Karmengo Ama eskolaren Gabonetako desfilea.
- Ordutegi berean kalejira bat egingo da Ulia etorbidea, Andonaegi, Borda-Enea, Arrandegi, Euskadi etorbidea, eta Azkuene kaleetatik barrena, eta auto ilarak egon litezke ondorioz.
- Hilak 24, larunbata. Muxikoek emanaldia eskainiko dute Santiago plazan, eta sarbidea, beraz, itxita egongo da ibilgailuentzat 11:30etik 13:45era. Bestalde, iluntzean honako desfile hauek antolatu dira:
- Trintxerpe: Olentzeroren desfilea 19:00etan irtengo da Serafin Esnaolatik eta Euskadi etorbidea 18:00etatik 20:00etara itxiko da. Aurretik, eskutitzak emateko aukera izango dute txikiek Serafin Esnaola plazan, 17:15etik aurrera.
- Donibane: Desfilearen irteera Meipitik 18:00etan.
- San Pedro: Desfilearen irteera Zamatetetik 17:30ean.
- Antxo: Desfile bat goizeko 11:00etan Usozetik eta beste bat 18:30ean Eskalantegi 45etik irtengo dira.
