Udal zerga eta tasak ordaintzeko egutegia kaleratu dute
Lezoko Udalak urte osoko udal tasen eta zergen ordaintze epeen berri eman du. Data horiek udalaren webgunean kontsulta daitezke.
Lezoko Udalak publiko egin du 2023ko egutegi fiskala. Hau da, jakinarazi du udalak ematen dituen zerbitzuengatik herritarrek zein epetan ordaindu behar dituzten tasa eta zerga horiek. Behean dago zerrenda, baina hala ere udalaren webgunean ere kontsulta daitezke data horiek.
Aurrez aurreko ordainketak egiteko dira jarraian zehaztuta datozen epeak. Horiek helbideratuta dauzkatenei tarte horietan jasoko dute ordaintze agindua dagokien banketxean.
Ura eta estolderia
- Urtarrilaren 27tik martxoaren 30era, 2022ko azken hiru hilabeteetako kuota.
- Apirilaren 26tik ekainaren 29ra, 2023ko lehen hiru hilabeteetako kuota.
- Abuztuaren 1etik irailaren 30era, 2023ko apirileko, maiatzeko eta ekaineko kuota.
- Urriaren 20etik abenduaren 13ra, uztaileko, abuztuko eta iraileko kuota.
Trakzio Mekanikodun Ibilgailuen Zerga
- Otsailaren 27tik apirilaren 28ra arte.
Ondasun Higiezinen Zerga
- Maiatzaren 15etik uztailaren 7ra arte.
Zabor Bilketa Tasa
- Ekainaren 8tik abuztuaren 14ra.
Ibilgailuen Garajeen Sarrera tasa
- Uztailaren 6tik irailaren 8ra.
Ekonomia Jardueren Gaineko Zerga
- Urriaren 2tik azaroaren 30era.
Etxez Etxeko Asistentziaren kuota
- Hilabetero, 1etik 24ra.
Baratzeen tasa
- Urteroko errolda, urtarrilean.
